«Қайрат» «Виктория Пльзень» шабуылшысы Рикардиньоны қатарға қоспақ

Алдағы күндері бразилиялық форвард Алматыға келіп, медициналық тексерістен өтіп, жаңа клубымен келісімшартқа қол қояды.

Рикардиньоның соңғы клубы — Израильдің «Маккаби Хайфа» командасы. Ол бұл клубта жалға алу негізінде ойнап, 11 матчта бір голмен көзге түскен.

Бразилиялық ойыншы «Сан-Паулу» клубының түлегі. Бұған дейін ол «Гремио», «Атлетико Гойяньенсе», португалиялық «Маритиму» және болгариялық «Левски» сапында өнер көрсеткен.

Transfermarkt порталының мәліметінше, шабуылшының трансферлік құны — 800 мың еуро.

Айта кетейік, бұған дейін алматылық клуб тағы бір бразилиялық шабуылшы — Эдмилсон Фильоны қатарға қосқан болатын.