«Қайрат» «Ақтөбемен» болған дау-дамайлы матчтан кейін мәлімдеме жасады

Алматылық «Қайрат» ҚПЛ-дің 11-ші турында «Ақтөбемен» өткен, алматылықтардың 2:1 есебімен жеңісімен аяқталған дау-дамайлы матч туралы ресми мәлімдеме жариялады.

Клуб мойындады — бас бапкер Рафаэль Уразбахтин техникалық аймақтан шеттетілгеннен кейін трибуналарға қарата әдепсіз сөздер айтқан.

Мәлімдемеде «Ақтөбе» жанкүйерлері матч бойы өздерін агрессивті ұстағаны — қонақтардың техникалық аймағы мен қосалқы ойыншылар орындығына бөгде заттар лақтырғаны атап өтілді.

Сондай-ақ, «Қайрат» «Ақтөбе» ойыншылары — Идрис Умаев, Неманья Анджелкович және Бағдат Қайыровтың алматылық клуб футболшыларына дөрекілік танытқан мінез-құлқын қарастыруды талап етті.

«Қайрат» басшылығы осы матчтағы даулы төрешілік шешімдерді егжей-тегжейлі қарастыру үшін Қазақстан Футбол Федерациясына ресми өтініш жолдауды жоспарлап отыр.