Путинцева Абу-Дабидегі турнирде чехиялық теннисшіден жеңілді

Абу-Дабиде (БАӘ) өткен Abu Dhabi Open турнирінің екінші айналымында Юлия Путинцева (әлемдік рейтингте 21-орын) Чехиядан келген Маркета Вондроушовамен (WTA рейтингінде 37-орын) кездесті.

Чехиялық спортшы (қазіргі Уимблдон жеңімпазы) сенімді ойын көрсетті — матч 6:2; 6:3 есебімен оның пайдасына аяқталды. Теннисшілер корттағы жеңімпазды анықтау үшін 1 сағат 20 минут өткізді.

Ширек финалда Вондроушова Швейцария өкілі — Белинда Бенчичпен (әлемдік рейтингте 157-орын) кездеседі.