ПСЖ Серу Гирассиді басты трансферлік нысана ретінде қарастырып отыр

Bild мәліметінше, ПСЖ бас бапкері Луис Энрике шабуылды күшейту мақсатында Серу Гирассиді басты нысана ретінде таңдаған. 29 жастағы шабуылшының трансфері жазғы маусымдағы клуб жоспарының негізгі бөлігіне айналуы мүмкін.

Гирассидің келісімшартында 70 миллион еуро көлеміндегі өтемақы қарастырылған, алайда бұл сома тек мына клубтар үшін қолданылады:

• «Реал»
• «Барселона»
• «Манчестер Юнайтед»
• «Манчестер Сити»
• «Ливерпуль»
• «Челси»
• «Арсенал»

ПСЖ бұл тізімге кірмегендіктен, клубтар арасында жеке келіссөздер қажет болады.

Өткен жазда «Штутгарттан» «Боруссия Дортмундқа» ауысқан Гирасси қазіргі маусымда 44 матчта 33 гол соғып, 6 нәтижелі пас берген. Футболшы клубтан кетуге асықпайтыны айтылғанымен, ПСЖ тарапынан қызығушылық жоғары.