ПСЖ Мбаппеден 98 миллион еуро өтемақы талап етеді

«Пари Сен-Жермен» француз клубы Килиан Мбаппеге қарсы 98 миллион еуро көлемінде өтемақы талап етіп сотқа арыз берді, деп хабарлайды RMC Sport.

Сот талқылауы сәуір айында париж клубының шоттарында 55 миллион еуро тоқтатылғаннан кейін басталды — бұл сома футболшыға жалақы мен бонустар бойынша болжамды қарыз болып табылады.

ПСЖ-дің заң командасы Мбаппенің қарыздың бар екендігіне сенімді дәлелдер ұсынбағанын алға тартуда. Сонымен қатар, клуб ойыншының өзі келіссөздерді созу тактикасымен келтірген залалды өтеуі керек деп санайды.

«Біздің мақсатымыз 98 миллион еуро алу емес, ойыншының клуб алдындағы өз қарыздық міндеттемелерін ескере отырып, оның талаптарының негізсіз екенін көрсету» — деді ПСЖ-дің адвокаты Рено Семерджян.

Бұл іс бойынша келесі сот отырысы 26 мамырға тағайындалды.