«ПСЖ» финалда: Луис Энрике командасы тарихи жетістікке жетті

Championat.com мәліметі бойынша, «Пари Сен-Жермен» Чемпиондар лигасының жартылай финалындағы қарымта ойында «Арсеналды» 2:1 есебімен жеңіп, екі матчтың қорытындысы бойынша финалға шықты (бірінші ойын — 1:0).

Луис Энрике баптайтын париждіктер тарихи межені бағындырды — ПСЖ Чемпиондар лигасы қайта ұйымдастырылған 1990-жылдардан бері турнир финалына екі мәрте шыққан алғашқы француз клубы атанды.

Бұған дейін ПСЖ финалда тек бір рет өнер көрсеткен — 2020 жылы Томас Тухельдің командасы шешуші матчта «Баварияға» 0:1 есебімен есе жіберген болатын.

Француз клубтарының Еуропадағы жетістіктері:

• «Марсель» — 1993 жылы Чемпиондар лигасын жеңіп алды, 1991 жылы финалда «Црвена Звездадан» ұтылды.
• «Реймс» — 1956 және 1959 жылдары финалға шыққанымен, екеуінде де жеңілді.

Ағымдағы маусымдағы шешуші матч — «ПСЖ» мен «Интер» (Милан) арасындағы финал Мюнхенде, 31 мамыр күні өтеді.