ПСЖ 30 матчтан кейін маусымда алғаш рет жеңілді

Луис Энрике жаттықтыратын Париж Сен-Жермен Лига 1-дің ағымдағы маусымындағы алғашқы жеңілісін тіркеді. Париждіктер өз алаңында «Ницца» командасына 1:3 есебімен жол берді.

ПСЖ осыған дейін еуропалық топ-5 чемпионаттарының ішінде ұлттық біріншілікте жеңілмеген соңғы клуб болатын. Олардың жеңілмеу сериясы 24 жеңіс пен 6 тең ойыннан құралған 30 матчқа созылды.

Бұл жеңіліс команданың турнирлік жағдайына әсер етпеді — ПСЖ чемпиондықты мерзімінен бұрын қамтамасыз еткен болатын. Алдағы күндері Луис Энрике шәкірттерін Чемпиондар Лигасының жартылай финалындағы маңызды ойын күтіп тұр — олар лондондық «Арсеналмен» алғашқы матч өткізеді.