Pro Лигадағы жағдай: плей-офф қызып жатыр

Қазақстандық хоккейдің басты додаларының бірі – Pro Лиганың плей-офф кезеңі қыза түсті. Әр команда жартылай финалға шығу жолында барын салып, жанкүйерлерге әсерлі ойын сыйлауда. (Мәлімет Pro Лига сайтынан алынған)

«Ақтөбе» Өскемендегі екі сәтсіз матчтан кейін өз жанкүйерлері алдында сенімді жеңіске жетіп, есеп айырмасын қысқартты. Қазір серияда 2-1 есебімен «Торпедо» алда келеді.

«Арлан» плей-офф кезеңін керемет қарқынмен бастады. Өз алаңында екі кездесуде жеңіске жеткен көкшетаулық команда Астанадағы алғашқы ойында басымдық танытып, сериядағы есепті 3-0-ге жеткізді. Өткен маусымның финалисті – «Номад» – ширек финалда жарысты аяқтауы мүмкін.

«Горняк» үшін плей-оффтың алғашқы кезеңі қиынға соғуда. Өз айдынында да жеңілістен құтыла алмаған команда «Хумоға» қатарынан үшінші рет есе жіберіп, сериядағы есепті 3-0-ге жеткізді. Ташкенттік клуб жартылай финал жолдамасына бір қадам ғана қалды.

Ал ең тартысты матчтардың бірі Алматыда өтті. Қарағандыда өткен алғашқы екі ойында жеңіске жеткен «Алматы» өз алаңындағы алғашқы кездесуде сүрінді. Дегенмен, серияда жалпы есеп 2-1 болып, алматылықтар әзірге алда тұр.

Соңғы ойындардың нәтижелері:

«Ақтөбе» 6-3 «Торпедо»
«Горняк» 1-3 «Хумо»
«Номад» 2-3 «Арлан»
«Алматы» 3-4 «Сарыарқа»

Жартылай финалға қай командалар жолдама алады? Бұл сұрақтың жауабы алдағы ойындарда белгілі болмақ.