Португал футбол басшысы Диогу Жотаның қазасына байланысты көңіл айтты

Португалия Футбол федерациясының мәліметінше, «Ливерпуль» шабуылшысы Диогу Жота мен оның кіші бауыры Андре 3 шілде таңында Испания аумағында жол апатынан қаза тапты.

Португалия футбол федерациясының президенті Педру Проэнса ресми мәлімдеме жасады:

«Португалия футбол федерациясы мен елдің бүкіл футбол қауымдастығы Диогу мен Андренің қазасынан қатты күйзелісте. Диогу Жота құрама сапында 50-ге жуық матч өткізген керемет ойыншы ғана емес — ол барлық адамдардың құрметіне ие болған және жұқпалы қуаныш сыйлаған көрнекті тұлға еді»

Федерация Еуропа чемпионатындағы Португалия әйелдер құрамасының Испаниямен алдағы матчы алдында үнсіздік минутын өткізу туралы УЕФА-ға сұраныс жіберді.

Педру Проэнса сондай-ақ марқұмдардың отбасыларына және бауырлар өнер көрсеткен «Ливерпуль» мен «Пенафиэл» клубтарына көңіл айтты.