Попко Гштадтағы турнирде 18 жастағы швейцариялыққа күтпеген жеңілісті қабылдады

Қазақстанның үшінші ракеткасы Дмитрий Попко Швейцариядағы Гштадт теннис турнирінің іріктеу кезеңінде күтпеген жеңілісті қабылдады.

ATP рейтингінде 176-орында тұрған қазақстандық спортшы бастапқы раундта жергілікті теннисші Анри Бернемен кездесті — 18 жастағы швейцариялық әлемдік рейтингте 780-орында тұр.

Матч 1 сағат 33 минутқа созылып, wild card иегері Берненің жеңісімен аяқталды — 7:6, 6:3. Келесі раундта швейцариялық теннисші ATP рейтингінде 149-орында тұрған аргентиналық Марко Трунгеллитимен күш сынасады.