Поляк киберспортшысы m0NESY орнына G2 Esports құрамына қосылды

Олек «hades» Мишкевич CS2 бойынша G2 Esports командасының ресми мүшесі болды — бұл туралы киберспортшы X әлеуметтік желісіндегі парақшасында хабарлады.

«G2 құрамына маусым соңына дейін қосылғанымды қуана хабарлаймын. Берілген мүмкіндік үшін алғысымды білдіремін және осыдан барынша пайда алу үшін қолымнан келгеннің бәрін жасаймын ^_^», — деп жазды Мишкевич.

Поляк ойыншы G2 Esports құрамына жалға алу құқығымен ауысты — ол қазір Team Falcons сапында өнер көрсететін Илья «m0NESY» Осиповтың орнын басады. G2 жаңартылған құрамының алғашқы турнирі мамыр айының ортасында LAN форматында өтетін PGL Astana 2025 болады.