Петер Шмейхель Манчестер Юнайтедтің трансферлік саясатын сынға алды

Аңызға айналған қақпашы Петер Шмейхель «Манчестер Юнайтедтің» трансферлік саясатын сынға алды, деп хабарлайды BBC.

Жалға алу негізінде «Наполиге» ауысқан Расмус Хойлунд — италиялық клуб үшін алты матчта төрт гол соғып үлгерді, бұл оның өткен маусымда Премьер-лигадағы көрсеткішімен тең.

Бір жыл бұрын «МЮ-ден» кеткен Скотт Мактоминай — Серия А-да жылдың үздік ойыншысы атанып, «Алтын доп» сыйлығына үміткер болды.

«Юнайтедте» қазір бас бапкер, спорт директоры, техникалық директор және скаут қызметінің басшысы бар — шешім қабылдайтын адамдар тым көп. Мен ойнаған кезде, бәрін сэр Алекс Фергюсон басқарды, кімді сатып алу керек, кімді сату керек екенін айтты», — деді Шмейхель.

Англияның бес дүркін чемпионы Бенджамин Шешконы сатып алуды да сынға алды:

«Бұл оғаш трансфер, себебі бізде Хойлунд болды, оған тек пас жетіспеді. Оның Де Брюйне мен Мактоминаймен бірге «Наполиде» не істеп жатқанын көру жеткілікті — ол гол соғуда».

Шмейхель Хойлундтың клубпен ерекше байланысын атап өтті — футболшы «МЮ» үшін ойнау туралы он жасында жазған.