Пэдди Пимблетт Ислам Махачев пен Илия Топурия жекпе-жегіне қарсы пікір білдірді

Blood Red: Liverpool FC дерегі бойынша, британдық жеңіл салмақтағы файтер Пэдди Пимблетт Ислам Махачев пен Илия Топурия арасындағы ықтимал чемпиондық жекпе-жекке өз қарсылығын білдірді.

«Мен Илияның Исламмен жекпе-жегін көре алмаймын, қазіргі чемпион белбеуді бір-ақ рет қорғады (бұл жеткіліксіз). Әдетте кемінде үш қорғаныс қажет. Топурия әзірге мұндай маңызды қадам жасау үшін жеткілікті танымал жұлдыз емес. Ол бірден титул үшін жекпе-жекке шыға алатын Конор Макгрегор емес. Алдағы уақытта не болатынын көреміз, бірақ мен бұл жекпе-жекке қарсымын. Илияның UFC 314-те Волкановскиге қарсы хэдлайнер болады деген қауесет бар, бірақ ол әзірге расталмаған», — деп мәлімдеді Пимблетт.

Танымал комментатор Джо Роган да бұл жекпе-жекке қатысты өз ойын жеткізді: «Топурия жеңіл салмаққа көтеріліп, Махачевқа қарсы шығады деп үміттенемін».

Өз кезегінде Илия Топурия болашаққа сенімділік танытып: «Грузиядан үш UFC чемпионын шығару мүмкіндігі бар. Әрине, егер Құдай қаласа», — деп пікір білдірді.