Патрис Эвра ММА-да Луис Суареспен айқасуға шақырды

Бұрынғы қорғаушы Патрис Эвра аралас жекпе-жекке дебют жасауға дайындалып жатыр, деп хабарлайды спортшының жеке әлеуметтік желісі.

Француз футболшысы 23 мамырда PFL Paris турнирінде өнер көрсетеді — ұйымдастырушылар әзірге қарсыласының есімі мен салмақ дәрежесін жария еткен жоқ.

«Мен ресми түрде PFL Europe-тағы алғашқы жекпе-жегіме дайындықты бастаймын. Қалаған қарсыласым туралы сұрағанда, мен Луис Суарестің есімін атадым. Өз қалтамнан төлеуге дайынмын, тіпті ол мені тістеп алса да қарсы емеспін», — деп жазды Эвра.

Айта кетерлігі, спортшылар арасында ескі өшпенділік бар — бұрын уругвайлық шабуылшы француз қорғаушыға қатысты нәсілшілдік сөздер айтқан болатын.