Патрис Эвра Луис Суареспен жекпе-жек өткізгісі келетінін айтты

Бұрынғы қорғаушы Патрис Эвра ММА-дағы болашақ жоспарларымен бөлісті, деп хабарлайды PFL Europe твиттері.

«Маған әрқашан тордың ішінде болу қандай екенін білу қызық болды. Бұл жануарға тән нәрсе. Мәселе шу көтеру емес. Бұл – мен таңдаған бағыт. Маған ұнайды, қиын болса да», – деді «Манчестер Юнайтедтің» бұрынғы ойыншысы.

Француз спортшы октагонда Луис Суареспен кездескісі келетінін жасырмайды – «Мен ашулымын және бірінші қарсыласым Луис болғанын қалаймын».

Эвраның алғашқы жекпе-жегі мамыр айында PFL Paris турнирінде өтеді – салмақ дәрежесі мен қарсыласының есімі әзірге белгісіз. Ұйымдастырушылардың мәліметінше, Суарестің менеджері ықтимал жекпе-жекті талқылау үшін PFL өкілдерімен байланысқан.