Париж таксистері Ролан Гаррос турнирін бұзамыз деп қорқытты

Tennis.com мәліметінше, Париждің ереуілдеуші таксистері наразылық акцияларын Ролан Гаррос турнирі өтетін жерге көшіруді жоспарлап отыр.

Қазіргі жұмыс жағдайына наразы жүргізушілер бес күннен бері наразылық акцияларын өткізуде — олар қаланың негізгі көлік желілерін бұғаттап, танымал көрікті жерлерге жиналуда.

Ереуілшілер өкілдері билікке ультиматум қойды — егер олардың талаптары дүйсенбіге дейін қаралмаса, теннис кешеніне баратын жолдарды жабатындарын мәлімдеді.