PARIVISION бапкері команданың CS2 мейджорына шығу мүмкіндігін бағалады

CS2 бойынша PARIVISION құрамының бапкері Дастан Ақбаев команданың ағымдағы нәтижелері мен жақын болашаққа қатысты көзқарасымен бөлісті.

Соңғы үш айда біз ресми матчтар саны бойынша әлемдік үздік үштікке кіреміз. Біздің прогресті 10 баллдың 7,5-8 балымен бағалаймын. Ең бастысы — мейджорға шығу мүмкіндігі пайда болды, бір ай бұрын бұл туралы армандау да қиын еді

BLAST.tv Austin Major 2025 алдағы іріктеу турнирі туралы айта келе, бапкер турнирдің команда үшін ерекше маңыздылығын атап өтті — мұндай деңгейдегі жарыс алғаш рет Қазақстанда өтеді.

Біз ESL Challenger League және CCT турнирлерінде екінші және үшінші эшелон командаларымен жиі кездесеміз. Бұл деңгейде әркім бір-бірін жеңе алады, бірақ ең бастысы — өз күшімізге және мейджорға шығу мүмкіндігіне сену

Айта кету керек, Дастан Ақбаев PARIVISION құрамына бес ай бұрын қосылған — команда ірі турнирдің жабық іріктеу кезеңіне қатысу үшін қажетті ұпайларды жинап үлгерді.