Парфенов «Ақтөбеден» кеткеннен кейін мәлімдеме жасады

Мәскеулік «Спартактың» бұрынғы қорғаушысы және «Ақтөбе» клубының экс-бапкері Дмитрий Парфёнов қазақстандық клубтан кетуі туралы айтып берді, деп хабарлайды Bookmaker-ratings.ru

«Қазақстанда чемпионат көктемде басталып, қарашада аяқталады. Айтқым келмейтін белгілі бір жайттар болғанда, мүмкін жағдай басқаша болар ма еді. Біз басқарған кезде команда финалға шықты. Команда бір ғана ұпаймен бірінші орынға жақын еді, қазір „Ақтөбе“ бірінші орында тұр. Екі трофейді жеңіп алуға толық мүмкіндік бар. Ал бізбен не болғанын уақыт келгенде міндетті түрде айтамыз. Бапкердің жұмысында белгілі бір факторлар болуы керек, қазір мен нақты бір нәрселерді талқылап, сөйлесудемін», — деді Парфёнов «Спартак LIVE» эфирінде.

1 қыркүйекте Дмитрий Парфёнов «Ақтөбеден» жұмыстан босатылды. Оның басшылығымен өткен соңғы үш ҚПЛ матчында «Ақтөбе» небәрі екі ұпай жинады. Сонымен қатар, «Ақтөбе» 2024/2025 маусымындағы еурокубоктық науқанын Конференциялар лигасының бірінші іріктеу кезеңінде «Сараеводан» екі матчтың қорытындысы бойынша жеңіліп аяқтады.