Панарин НХЛ тарихында Ковальчукпен ұпай бойынша теңесті

Quant Hockey мәліметі бойынша, Артемий Панарин НХЛ тұрақты чемпионатының матчында нәтижелі ойын көрсетті — «Рейнджерс» шабуылшысы «Монреальмен» кездесуде төрт ұпай (1+3) жинап, командасының 4:3 есебімен жеңіске жетуіне үлес қосты.

Ағымдағы маусымда 33 жастағы шабуылшы жеті матч өткізді — оның еншісінде алты нәтижелі ұпай (1+5) бар. НХЛ тұрақты чемпионаттарындағы мансабы бойы ресейлік хоккейші 759 ойында 876 ұпай (303+573) жинап, бұл көрсеткіш бойынша Илья Ковальчукпен теңесті.

НХЛ-дегі үздік ресейлік сұрмергендер тізімінде алда тұрғандар:

• Александр Овечкин («Вашингтон») — 1496 матчта 1627 ұпай
• Евгений Малкин («Питтсбург») — 1219 матчта 1355 ұпай
• Сергей Федоров — 1248 матчта 1179 ұпай
• Александр Могильный — 990 матчта 1032 ұпай
• Алексей Ковалев — 1316 матчта 1029 ұпай
• Никита Кучеров («Тампа») — 807 матчта 997 ұпай
• Павел Дацюк — 953 матчта 918 ұпай