Овечкиннің жұбайы отбасының келісімшарт аяқталғаннан кейін Ресейге оралатынын растады

«Вашингтон Кэпиталз» капитаны Александр Овечкиннің жұбайы Анастасия Шубская хоккейшінің NHL-дегі мансабы аяқталғаннан кейінгі отбасылық жоспарларын жария етті, деп хабарлайды «Аргументы и Факты».

Жақында клубтың корпоративтік сату бөлімінің қызметкері жанкүйерлерге қате хат жіберген — онда 39 жастағы ресейлік хоккейшінің келесі маусымда мансабын аяқтайтыны туралы айтылған.

«Александрдың әлі бір жылдық келісімшарты бар. Сондықтан келесі маусымды өткіземіз де, содан кейін Мәскеуге, өз отанымызға қайтып барамыз. Біз Ресейде қаламыз, иә», — деп растады Шубская.

Мәскеу «Динамосының» тәрбиеленушісінің «Вашингтонмен» қазіргі келісімшарты келесі маусым соңына дейін жарамды.