Овечкин «Вашингтон» үшін 1500 ойын көрсеткішіне жетті

НХЛ баспасөз қызметінің хабарлауынша, Александр Овечкин мансабында елеулі межеге жетті — «Вашингтон» капитаны «Оттавамен» кездесуде лигадағы 1500-ші ойынын өткізді.

2005 жылдан бері «Кэпиталс» сапында өнер көрсетіп келе жатқан 40 жастағы шабуылшы — НХЛ тарихында 1500 ойын межесінен асқан 24-ші ойыншы және бір команда құрамында осы көрсеткішке жеткен сегізінші хоккейші атанды.

Бір франшиза үшін 1500 және одан да көп ойын өткізген хоккейшілер:

• Горди Хоу — 1687 ойын («Детройт»)
• Патрик Марло — 1607 ойын («Сан-Хосе»)
• Никлас Лидстрем — 1564 ойын («Детройт»)
• Алекс Дельвеккио — 1550 ойын («Детройт»)
• Шейн Доун — 1540 ойын («Виннипег»/»Аризона»)
• Рэй Бурк — 1518 ойын («Бостон»)
• Стив Айзерман — 1514 ойын («Детройт»)

1:7 есебімен аяқталған «Оттавамен» мерейтойлық кездесуде ресейлік хоккейші мұзда 17 минут 44 секунд болып, бір рет қақпаға шайба лақтырып, үш рет күштік тәсіл жасады. Ағымдағы маусымда Овечкиннің тоғыз ойында екі гол мен бес нәтижелі пас беруі бар.