Овечкин НХЛ-дағы 886-шы голын соғып, Гретцки рекордына жақындады

Александр Овечкин НХЛ-дің тарихи рекордына жақындай түсуде — ресейлік шабуылшы лигадағы 886-шы шайбасын соқты.

«Вашингтонның» 39 жастағы капитаны «Сиэтлмен» болған ойында соңғы нүктені қойды — шабуылшы матчтың 59-шы минутында бос қақпаға гол соғып, есепті 4:2 етіп бекітті.

НХЛ тарихындағы үздік снайперлер тізімінде Овечкин екінші орында тұр — алдында тек аңызға айналған Уэйн Гретцки 894 шайбамен көш бастап тұр. Ағымдағы маусымда ресейлік шабуылшы 48 ойында 50 ұпай жинады, оның ішінде 33 гол соғып, 17 нәтижелі пас берді.