Овечкин НХЛ-да 1600 ұпай жинап, Гретцкидің рекордына жақындады

Александр Овечкин — «Вашингтон Кэпиталз» капитаны — «Сиэтл Кракенмен» матчта тағы бір тарихи межеге жетті, деп хабарлайды НХЛ сайты.

39 жастағы ресейлік шабуылшы қарсыластың бос қақпасына шайба соқты, бұл оның командасына 4:2 есебімен жеңіске жетуге көмектесті — бұл шайба шабуылшының мансабындағы 1600-ші нәтижелі ұпайы болды.

НХЛ-дегі 20 жылдық ойын барысында Овечкин 1474 матч өткізіп, 886 шайба соғып, 714 нәтижелі пас берді, бұл көрсеткіштер оған лиганың үздік сұрмергендері тізімінде 11-орынға орналасуға мүмкіндік берді.

Ағымдағы маусымда «Вашингтон» капитаны 48 кездесуде 50 ұпай жинады, оның ішінде 33 шайба бар — енді аңызға айналған Уэйн Гретцкиді, НХЛ сұрмергендері тізімін 894 голмен басқарып тұрған хоккейшіні, ресейліктен небәрі 8 дәл лақтырым бөліп тұр.