Овечкин мерейтойлық маусым алдында мансабын аяқтау туралы ойламайды

Том Гулитти журналисінің мәліметінше, «Вашингтон» капитаны Александр Овечкин НХЛ-дің келесі маусымынан кейін мансабын аяқтау нұсқасын қарастырып отырған жоқ.

Қыркүйекте 40 жасқа толатын ресейлік шабуылшы жаңа маусымға дайындықты жеке бапкермен жалғастырады.

«Шынын айтқанда, мен әлі бұл туралы ойланған жоқпын. Қалай болатынын көреміз. Әрине, келесі маусымды жақсы өткізу үшін қолымнан келгеннің бәрін жасауға тырысамын, ал одан әрі, мен айтқандай, көре жатармыз», — деді Овечкин.

«Вашингтон» плей-офф кезеңін «Каролинадан» 1-4 есебімен жеңіліп — ағымдағы маусымды аяқтады. Сәуір айында ресейлік хоккейші тұрақты чемпионаттардағы голдар саны бойынша НХЛ-дің жаңа рекордын — 897 шайба орнатып, Уэйн Гретцкидің жетістігін басып озғанын атап өту керек.