Овечкин: «Бүгін тойлаймыз, ертең жаңа серия басталады»

Александр Овечкин Стэнли Кубогының бірінші раундында «Вашингтон Кэпиталс» командасының «Монреаль Канадиенс» клубын жеңгеннен кейін әсерімен бөлісті. Бұл туралы NHL-дің ресми сайты хабарлады.

Астаналық ұжым плей-оффтың бастапқы кезеңінен 2018 жылғы чемпиондықтан кейін алғаш рет өтті. Серия 4:1 есебімен «Кэпиталстың» пайдасына аяқталды, ал шешуші бесінші ойында команда қарсыласын 4:1 есебімен тізе бүктірді.

«Қазір біз екінші раундтың бірінші матчы жайлы ойлап отырмыз. Иә, біз серияны жеңдік, бүгін кешке соны атап өтеміз. Бірақ ертең — жаңа күн, жаңа серия. Сондықтан ақылды болуымыз керек, әр ойынды жеке қабылдап, біртіндеп алға жылжуымыз қажет», — деді Овечкин.

Стэнли Кубогының келесі кезеңінде «Вашингтон» «Каролина Харрикейнз» командасымен кездеседі. Енді елордалық клубтың басты мақсаты — жартылай финал жолдамасы.