Оуэн Харгривз: «Барселонаны жеңу өте қиын болады»

TNT Sports хабарлауынша, бұрынғы ағылшын футболшысы Оуэн Харгривз Чемпиондар лигасының ширек финалындағы «Барселонаның» «Боруссия Дортмундқа» қарсы 4:0 есебімен жеткен жеңісіне жоғары баға берді.

Каталондық клубты Ханси Флик жаттықтырып отыр.

«Олардың әлсіз тұстарын көрмеймін — бұл шынымен керемет команда. Дортмунд үшін ауыр маусым болды, олар тырысып, бірнеше мүмкіндік жасады, бірақ «Барселона» тым күшті болып шықты. Олардың ойынын тамашалау — нағыз ләззат. Мұндай футболмен оларды жеңу қиын болады», — деді Харгривз.

Сонымен қатар сарапшы каталондықтардың маусымдағы басты мақсаттарының біріне де тоқталды:

«Менің ойымша, олар үштік алу мүмкіндігіне сенеді. Дегенмен нақты болжам айтуға әлі ерте».

Еске сала кетейік, «Барселона» қазіргі таңда Испания чемпионатында көш бастап тұр және барлық турнирде сенімді нәтиже көрсетуде.

Біздің парақшамыздан футбол матчтарының барлық нәтижелерін Live форматта бірінші болып біліңіз!