Остапенко Штутгарттағы турнир финалында Соболенконы жеңіп, Porsche иеленді

Sport5.by хабарлауынша, латвиялық Елена Остапенко Штутгарттағы WTA-500 турнирінің финалында әлемнің бірінші ракеткасы Арина Соболенконы 6:4, 6:1 есебімен жеңіп шықты.

«Құттықтаймын, Арина… Мені енді жек көретін шығарсың, себебі бұл көлікті қатты қалаған едің. Келесі жолы оны міндетті түрде жеңіп аласың деп сенемін. Сенімен бір алаңда ойнау керемет, сен үлкен чемпионсың», — деді Остапенко матчтан кейін қарсыласына.

Турнирдің жүлде қоры 925 661 АҚШ долларын құрайды. Жеңімпаз ақшалай сыйақымен қатар беделді Porsche Macan Turbo автокөлігін иеленді.