Осман Камара «Астана» мен «Витория» арасындағы матч туралы айтты

Форвард Усман Камара Конференциялар Лигасының топтық кезеңінде «Астана» мен португалдық «Витория» арасындағы (1:1) матчтың қорытындысына түсініктеме берді. Sport+ хабарлауынша, ойыншы матч пен команданың болашағы туралы өз ойларын айтты.

«Біздің команда бүгін жеңіске ұмтылды. Өкінішке орай, біз қалаған нәтижеге қол жеткізе алмадық. Физикалық тұрғыдан жақсы дайындалып, топтық кезеңдегі ең жақсы матчымызды өткіздік. Алайда, қателіктер жібердік, ал футболда бұл үшін төлеуге тура келеді. Біз плей-оффқа өту үшін көп жұмыс істей береміз,» – деді Камара.

Екінші таймда төрешімен болған дау-дамайға қатысты ол қысқа жауап берді:
«Бұл олардың жұмысы. Біз олардың шешімдеріне әсер ете алмаймыз.»

Алдағы «Челсимен» өтетін матч туралы сұраққа шабуылшы былай деді:
«Біз Челсидің топ-клуб екенін түсінеміз және оларды құрметтейміз, бірақ футболда бәрі мүмкін. Үйде ойнауға мүмкіндігіміз бар. Біздің міндетіміз – футбол ойнау, ал матчтың өзі бізге не әкелетінін көреміз.»

Матчтың тең нәтижесі жақсы ма, әлде ұпай жоғалту ма деген сұраққа Камара былай деп жауап берді:
«Мен айтқанымдай, біз жеңіске жетеміз деп күткен едік, бірақ бұл футбол. Стратегия тұрғысынан бүгінгі таңдаулылардың біріне қарсы жинаған бір ұпай да жаман нәтиже емес.»

Суық ауа райында ойнау туралы әзілдей отырып, ол былай деді:
«Иә, бүгін суық болды және ойнау өте қиын болды. Бірақ мен тез бейімделдім. Кез келген уақытта және кез келген ауа райында ойнау – біздің міндетіміз.»

Усман Камара мен оның командаластары Конференциялар Лигасының плей-офф кезеңіне шығу үшін күресті жалғастыруда.