О’Рейли — жұлдыз атанса да қарапайым

BBC Sport хабарлауынша, «Манчестер Ситидің» жас жұлдызы Нико О’Рейли мансабының қарқынды дамуына қарамастан, қарапайым өмір салтын ұстануда.

20 жастағы футболшы әлі де анасымен бірге Tesco дүкеніне барып, бала кезгі достарымен араласады. «Сол баяғы достарыммен біргемін. Анаммен бірге саудаға барамын. Достарымның көбі футболшы — түрлі клубтарда ойнайды», — дейді О’Рейли.

Ол сегіз жасынан бері «Сити» академиясында тәрбиеленіп келеді. 2023 жылы U-18 Премьер-лигасын жеңіп алып, «Манчестер Юнайтедке» қарсы Суперкубокта негізгі құрамда дебют жасады.

Биыл жарақаттарға байланысты жартылай қорғаушы сол жақ қорғаушы позициясында 18 ойынның көпшілігін өткізді. Қазіргі таңда бес гол соқты.

Алдағы сенбіде О’Рейли Англия Кубогының финалында «Кристал Пэласқа» қарсы алғашқы үлкен трофейін жеңіп алуға тырысады. Турнир барысында ол «Солфорд» пен «Плимутқа» гол соғып, «Борнмутпен» кездесуде нәтижелі пас берген.