«Ордабасының» экс-медиаофицері жас ойыншылардың «Қайратқа» жаппай кетуі туралы айтты

«Ордабасы» фарм-клубының бұрынғы медиа-офицері Арман Пірманов шымкенттік команданың жастар құрамындағы жағдай туралы алаңдаушылық тудыратын ақпарат бөлісті.

Жалпы, мен «Ордабасы» академиясынан келдім. Жұмыстан кеткеннен кейін де клуб жүрегімде. Жағдай алаңдатарлық: 2009 жылғы туған жастар арасындағы өткен жылғы Қазақстан чемпиондарының алтауы «Қайратқа» кетті. Енді алматылықтар тағы екі баланы нысанаға алып отыр. «Ордабасыдан» «Қайратқа» кеткен жігіттер қазірдің өзінде Қазақстан құрамасы сапында гол соғуда. Енді сұрақ: Біз «Қайрат» үшін жұмыс істейміз бе?

Айта кетерлігі, бұл жағдай «Ордабасының» Қазақстан Кубогының 1/8 финалында «Хан-Тәңірін» 2:0 есебімен жеңіп, енді турнирдің ширек финалында «Қайратпен» кездесетін кезеңінде орын алуда.