«Ордабасы» ойыншыларына қатысты Сыбайлас жемқорлыққа қарсы агенттік тергеу бастады

Aladop.kz хабарлағандай, Сыбайлас жемқорлыққа қарсы іс-қимыл агенттігі шымкенттік «Ордабасы» футбол клубының ойыншыларына қатысты кең ауқымды тергеу жұмыстарын жүргізіп жатыр.

Құқық қорғау органдары тексерісті мұқият қолға алған — тергеу аясында клубтың барлық ойыншылары, оның ішінде шетелдік легионерлер де жауап алуға шақырылуда. Кейбір футболшылармен сұхбат үш сағатқа дейін созылған.

Агенттіктің назары клубқа өткен жылдан бастап ауған — бұған Шымкент әкімі Ғабит Сыздықбековтың «Ордабасы» командасының бұрынғы капитаны Асхат Тағыбергеннің жалақысына қатысты резонанстық мәлімдемесі себеп болған. Тергеу барысында клуб ішіндегі қаржы айналымы мен жалақы төлемдері егжей-тегжейлі зерттелуде.

Біздің парақшамыздан футбол матчтарының барлық нәтижелерін Live форматта бірінші болып біліңіз!