OnlyFans моделі Барселонаның жас ойыншысымен кездескені үшін қауіп-қатерге ұшырады

Goal хабарлауынша, әлеуметтік желілерде миллиондаған жазылушысы бар инфлюенсер Фати Васкес «Барселона» қанатшабуылшысы Ламин Ямальмен бірге демалғаны туралы ақпарат тарағаннан кейін дау-дамайдың ортасында қалды.

Салауатты өмір салты мен фитнес туралы контентімен танымал модель футболшымен жас айырмашылығына байланысты теріс пікірлер толқынына тап болды – оның жасы 29-да, ал Ямаль небәрі 17 жаста.

Біріншіден, мен 29-дамын, отызға әлі жеткен жоқпын. Мен ештеңе істеген жоқпын, ешкімді өлтірген жоқпын. Реакциялар тым артық, бұл тіпті оған да әсер етуде, – деді Васкес La Familia De La Tele бағдарламасында.

Инфлюенсер Ямальдің өзі әлеуметтік желі арқылы оны Италияға саяхатқа шақырғанын түсіндірді, бірақ олардың арасында романтикалық қарым-қатынас жоқ екенін атап өтті.

Қоғамның теріс реакциясына жауап ретінде Васкес сотқа жүгінуге дайын екенін мәлімдеді, оған қатысты барлық қауіп-қатерлер мен жалған айыптаулар құқық қорғау органдарында тіркелгенін атап өтті.