Оливейра мен Гамрот UFC турнирінің басты жекпе-жегінде кездеседі

Рио-де-Жанейрода өтетін UFC Fight Night 261 турнирінің басты жекпе-жегінде Чарльз Оливейра мен Матеуш Гамрот кездеседі, деп хабарлайды UFC.

Жеңіл салмақта төртінші орында тұрған бразилиялық жауынгер Оливейра рейтингтің сегізінші нөмірі поляк Гамротпен жұдырықтасады. Соңғы жекпе-жегінде Оливейра Илия Топуриядан нокаутпен жеңілсе, Гамрот Людовит Клейнді төрешілер шешімімен жеңген.

Турнир трансляциясы Қазақстан уақыты бойынша түнгі бір сағатта басталады, негізгі кард төртте, ал басты жекпе-жек 05:20-ға жоспарланған. Букмекерлер жекпе-жекті тең деп санайды, бразилиялық жауынгердің сәл басымдығы бар.