«Олимпия» бапкері «Қайрат» пен Дастан Сатпаев туралы пікір білдірді

— «Қайрат» чемпионаттың бел ортасында жүргендіктен, ойын тәжірибесі жағынан бізден басым. Біз олардың матчтарын көріп, талдай аламыз, ал олар біздікін — жоқ. Алда қиын кездесу күтіп тұр. Қарсылас шабуылда жылдам қимылдайтын жас шабуылшыға сенім артып отыр. Ол 16 жаста болса да, «Челсимен» келісімшартқа қол қойған. Команда ұзын пасқа және әуедегі күреске көп мән береді, — деді Симау 24ur.com сайтына берген сұхбатында.

Айта кетейік, «Олимпия» мен «Қайрат» арасындағы Чемпиондар лигасының 1-іріктеу кезеңі аясындағы алғашқы матч 8 шілде күні Люблянада өтеді. Қарымта кездесу 15 шілдеде Алматыда ұйымдастырылады.