Олимпиада чемпионы Елеусінов әйгілі америкалық бапкермен жұмысын бастады

2016 жылғы Олимпиада чемпионы Данияр Елеусінов жаңа бапкермен жаттығуды бастады — бұл туралы спортшы әлеуметтік желілерде хабарлады.

Бапкермен танысып, дайындықты бастадым

— деп жазды қазақстандық боксшы жаттығу залынан түсірілген суретінің астына, онда ол жаңа бапкері Томас Янкелломен бірге түскен.

Американдық маман Янкелло аңызға айналған Рой Джонс-кішімен жұмыс істегенімен танымал — 2008 жылы ол Ring журналының нұсқасы бойынша әлемнің үздік бес бапкерінің қатарына енген. Қазақстандық боксшылардан оның жетекшілігімен Иван Дычко жаттықты.

Атақты бапкермен ынтымақтастық Елеусіновтің UFC президенті Дана Уайт пен Сауд Арабиясының промоутерлері бірлесіп құрған жаңа лигамен келісімшартқа отырғаннан кейін басталды.