Оклахома қорғаушысы Гилджес-Александер НБА-ның MVP марапатын алды

ESPN хабарлауынша, Шэй Гилджес-Александер 2024/25 маусымының НБА тұрақты чемпионатының ең құнды ойыншысы марапатын иеленеді.

«Оклахома» қорғаушысы беделді жүлде үшін күресте «Денвердің» Никола Йокичін және «Милуокидің» Яннис Адетокумбосын басып озды. Марапаттау рәсімі «Нью-Йорк» пен «Индиана» арасындағы Шығыс конференциясының финалдық сериясының бірінші ойыны алдында өтеді.

Гилджес-Александер — лиганың нәтижелілік көрсеткіші бойынша көшбасшысы, орташа есеппен әр ойында 32,7 ұпай жинап, қалқан добын 51,9%, үш очколық 37,5% және айып добын 89,8% дәлдікпен орындады. Сонымен қатар оның еншісінде орташа есеппен 5,0 қайта алу, 6,4 беріліс және 1,7 қағып алу бар.

Оның жетекшілігімен «Оклахома» тұрақты чемпионатты лигадағы ең жақсы көрсеткішпен — 68 жеңіс пен 14 жеңіліспен аяқтады, қазір Батыс конференциясының финалында «Миннесотамен» болған сериясында 1-0 есебімен алда келеді.