Өзбекстан құрамасы алғаш рет Уругвайға жолдастық кездесуде гол соқты

Малаккадағы жолдастық кездесуде Өзбекстан құрамасы — тарихында алғаш рет — екі дүркін әлем чемпиондары Уругвайдың қақпасына доп соға алды, деп хабарлайды Sports.kz.

Оңтүстік америкалықтар 51-ші минутта есеп ашты — Факундо Торрес мергендік танытты. Тоғыз минуттан кейін Хуан Санарбия уругвайлықтардың басымдылығын еселеді. 82-ші минутта Русланбек Жиянов өзбек құрамасы үшін тарихи голды соқты — 1:2.

Уругваймен алдыңғы екі кездесуде Өзбекстан құрамасы бірдей 0:3 есебімен жеңілген болатын. Айта кетерлігі, оңтүстік америкалық команда 1930 және 1950 жылдары екі дүркін әлем чемпионы атанған.