Өзбекстан бокс федерациясы Жүсіповтің Нидерландтағы жеңісіне қарсылық білдірді

Өзбекстан бокс федерациясы Нидерландтағы Eindhoven Box Cup турнирінде Абылайхан Жүсіпов пен Асадходжа Мүйдінходжаев арасындағы финалдық жекпе-жек туралы мәлімдеме жасады.

70 келі салмақ дәрежесіндегі жекпе-жек екінші раундта тоқтатылды — дәрігерлер қазақстандық боксшыға ауыр жарақатына байланысты жекпе-жекті жалғастыруға рұқсат бермеді.

«Финалдық жекпе-жек қазақстандық боксшының жарақатына байланысты бірінші раундтан кейін жалғаспады. Төрешілердің түсініксіз шешімдерінен жекпе-жек тең күресте өткен бірінші раундта тоқтатылды», — делінген Федерацияның баспасөз қызметі мәлімдемесінде.

Өзбек тарапының наразылығына қарамастан, төрешілер 2:3 есебімен Жүсіповтің пайдасына шешім шығарды. Оның қарсыласы Мүйдінходжаев Париж-2024 олимпиадасының қазіргі чемпионы екенін атап өту керек.