Ньюкасл неміс шабуылшысы Вольтемадені рекордтық трансфермен алды

«Ньюкасл Юнайтед» жаңа трансферлік рекорд орнатты — клуб «Штутгарт» шабуылшысы Ник Вольтемадені 69 миллион фунт стерлингке сатып алды, деп хабарлайды ағылшын клубының ресми сайты.

Екі метрлік 23 жастағы Германия құрамасының шабуылшысы алты жылдық келісімшартқа қол қойды — бұл трансфер үш жыл бұрын Александр Исакты сатып алу кезінде орнатылған клубтың алдыңғы рекордын жаңартты.

«Алғашқы байланыстан-ақ клубтың мені шынымен қалайтынын және маған үлкен жоспарлары бар екенін сездім. Германияны тастап кету — өмірімдегі маңызды қадам, бірақ бәрі мені жақсы қабылдады, өзімді отбасындағыдай сезінемін», — деді Вольтемаде.

Өткен маусымда шабуылшы «Штутгарт» үшін 33 ойында 17 гол соқты, соның ішінде Германия Кубогының финалында да мяч салды. Осы жазда өткен жастар Еуропа чемпионатында ол алты голмен турнирдің үздік бомбардирі атанды.

«Никтің трансферін жылдам аяқтағанымызға қуаныштымыз. Ол шабуылға іздеген ойыншы профиліне мінсіз сәйкес келеді», — деп түсініктеме берді «Ньюкасл» бас бапкері Эдди Хау.