«Ньюкасл» қорғаушысы Дэн Берн алғаш рет Англия құрамасына шақырылды

«Англия» құрамасының баспасөз қызметінің хабарлауынша, «Ньюкасл» қорғаушысы Дэн Берн ұлттық құрамаға алғаш рет шақырылды. Ол соңғы 15 жылдағы ең жасы үлкен дебютант болуы мүмкін.

32 жастағы Берн үшін бұл жетістікке жету оңай болған жоқ. Жас кезінде оны «Ньюкасл» академиясынан шығарып жіберді, кейін ол супермаркетте жұмыс істеп, әуесқой «Блит Спартанс» клубында ойнады.

«Мен бұл мүмкіндікті ұзақ күттім және оны жібергім келмейді. Тухель менің жақсы ойнап жүргенімді айтты. Мен тек жанкүйер болу үшін емес, ойнау үшін келдім», — деді Берн.

Ол «Дарлингтон», «Фулхэм» және «Брайтон» клубтарында ойнап, төменгі дивизиондардан өткеннен кейін, 2022 жылы туған қаласы «Ньюкаслға» оралды. Өткен аптада ол «Ливерпульмен» финалда алғашқы голын соғып, командасына Лига кубогын жеңуге көмектесті.

Берн құрамаға шақырылғанын бас бапкер Томас Тухельден кешкі бейнеқоңырау арқылы білді. Тухель оны түнде ұйықтамағаны үшін әзілдеп сынады.