Нұрсұлтан Шілдебай Азия чемпионатын қола жүлдемен аяқтады

Бангкокта (Таиланд) өтіп жатқан World Boxing ұйымының жастар арасындағы Азия чемпионатында 75 келіге дейінгі салмақта жартылай финал жекпе-жегі өтті. Онда қазақстандық Нұрсұлтан Шілдебай үндістандық Рахул Кундумен күш сынасты.

Бірінші раундта-ақ төреші Шілдебайға нокдаун санады. Үш раундтың қорытындысында барлық бес төреші (5:0) жеңісті қарсыласына берді. Осылайша, Нұрсұлтан Шілдебай турнирді қола медальмен аяқтады, ал Рахул Кунду финалға жолдама алды.

Бұл біріншілік — World Boxing аясында алғаш рет ұйымдастырылған U19 және U22 жас санатындағы Азия чемпионаты.