Нурмагомедов Макгрегорға қарсы сот ісіне қаражат жинауды қолдады

Championat.com порталында жарияланған ақпаратқа сәйкес, жеңіл салмақтағы UFC-дің бұрынғы чемпионы және жеңілмеген жауынгер Хабиб Нурмагомедов Конор Макгрегорға қарсы сот ісін жүргізуге арналған қаражат жинау идеясын қолдады.

Нурмагомедов өзінің X (бұрынғы Twitter) әлеуметтік желісіндегі парақшасында былай деп жазды:
“Жарайсыңдар, балалар, мен сендерді толық қолдаймын. Бұл жігіт жазалауға лайық.»

Бұл мәлімдеме Макгрегорға қатысты сексуалдық зорлық-зомбылық үшін кінәлі деп танылғаннан кейін жасалды. Сот үкімі бойынша ирландиялық спортшы зардап шеккен тарапқа 250 мың АҚШ доллары көлемінде өтемақы төлеуге міндеттелді.

Ирландиялық жауынгерге бұл айып 2018 жылдың 9 желтоқсанында тағылған. Макгрегор оқиғаның орын алғанын растағанымен, оның өзара келісім негізінде болғанын айтып ақталды. Алайда Ирландияның Жоғарғы Соты Макгрегорды кінәлі деп тауып, тиісті үкім шығарды.

Осы үкімнен кейін, жәбірленуші тарапқа сот ісін жүргізуді қаржыландыруға көмек көрсету мақсатында арнайы веб-сайт құрылды.