«NS» Miracle-дің кәсіби сахнаға қайта оралуын сынға алды

Танымал стример Ярослав «NS» Кузнецов «Twitch» платформасындағы эфир барысында «Dota 2» кәсіби ойыншысы Амер «Miracle-» әл-Баркавидің қазіргі жағдайына пікір білдірді.

Кузнецов Miracle-дің кәсіби сахнаға қайта-қайта оралуын сынға алды. Оның айтуынша, мұндай әрекеттер бұрынғы танымал ойыншының беделіне кері әсерін тигізеді.

«Сіздер Miracle-мен не істеп жүрсіздер? Ол „Dota 2“-ні тұрақты ойнамайды – бір кетеді, бір келеді. Оның оралғанын көргенде, тіпті қайтып келмегені дұрыс болар еді деген ой туады. Өйткені ол тек масқара болып жүр. Miracle-ден бұрынғы серпін мен әсер жоқ», – деді «NS».

Қазіргі уақытта Амер «Miracle-» әл-Баркави кәсіби мансабын уақытша тоқтатып, белсенді емес мәртебесінде тұр.