«Ноттингем Форест» шабуылшысы бағанамен соқтығысқаннан кейін жасанды комаға түсті

«Ноттингем Форест» шабуылшысы Тайво Авоньи іш қуысының ауыр жарақатына байланысты ота жасаудың бірінші кезеңінен кейін жасанды комада жатыр.

Нигерия құрамасының 27 жастағы шабуылшысы «Лестерге» қарсы матчта (2:2) Энтони Элангадан келген пасты аяқтамақ болып, 88-ші минутта бағанамен соқтығысты. Бірінші ота дүйсенбі кешке жасалды — екінші кезең сәрсенбіге жоспарланған.

Клубтың мәлімдемесінде Авоньи хирургиялық араласудан кейін «жақсы қалпына келіп жатыр» делінген. «Ноттингем Форест» иесі Евангелос Маринакис бас бапкер Нуну Эшпириту Сантуға футболшыға көмек көрсету барысына алаңдаушылық білдірді.

Оқиға даулы эпизодта орын алды — Эланга офсайдта болған, бірақ лайнсмен VAR тексерісі үшін ықтимал гол мүмкіндігін сақтау хаттамасын ұстанып, соқтығысқа дейін жалауын көтермеді.