Ноттингем Форест 29 жылдан кейін еурокубоктарға шықты

BBC Sport хабарлауынша, Ноттингем Форест Конференциялар лигасына жолдама алды — бұл клубтың соңғы 29 жылдағы еуропалық турнирлерге алғашқы қатысуы.

Команданың жетістігі көбінесе бір жарым жыл бұрын клубты басқарған бас бапкер Нуну Эшпириту Сантудың жұмысымен байланысты. Португалдық маман Испанияның Мурсия қаласындағы маусым алдындағы жиыннан бастап мықты ұжым құра білді.

«Бәрі Нуну клуб табалдырығын аттаған сәттен басталды. Ол бізге тұрақтылық берді», — деді команда капитаны Райан Йейтс.

Клуб жаттығу базасын жаңғыртты — жаңа жаттығу залы, физиотерапия кабинеттері мен асхана пайда болды. Сонымен қатар, трансферлік саясат қайта қаралды — басшылық жаппай сатып алудың орнына құрамды нүктелі күшейтуге мән берді.

Команданы Еуропа чемпиондары кубогында екі рет жеңіске жеткізген аңызға айналған капитан Джон Макговерн жаттығуларға үнемі қатысып, клубтың даңқты өткені мен бүгінгі күні арасындағы байланысты сақтап келеді.

«Ноттингем» соңғы рет еурокубоктарда 1996 жылдың наурызында УЕФА Кубогының ширек финалында «Баварияға» жол берген болатын. Енді команда еуропалық аренаға Конференциялар лигасының қатысушысы ретінде оралады.