Nomad Fighting: Марсель мен Дамирдің жекпе-жегі қашан өтеді?

NOMAD FIGHTING 10 турнирінің кардында өнер көрсеткен Марсель Нурланбек пен Рашид Гиряев арасындағы жекпе-жектен кейін жеңімпаз Марсель Нурланбекті қазақстандық «Дамирчик» есімімен танымал спортшы Дамир Рахимжанов жекпе-жекке шақырған болатын.

Sport Pulse редакциясы бұл жекпе-жектің өз күшінде екенін нақтылау үшін спортшының өзінен сұрап білді.

Иә, жоспар бойынша Марсельмен жекпе-жек қаңтар айында болуы керек. Марсельде қазір жарақат бар, соған байланысты бұл жекпе-жек жылдың басында болуы керек. Әрине егер «Номад» ұйымдастырып берсе.

Сонымен қатар спортшы не үшін дәл Марсельді жекпе-жекке шақырғанын түсіндірді.

Не үшін дәл Марсель десеңіздер. Алматының қақ ортасында тұрып, өзге ұлт өкілі кез келгенін ұтамын деген кезде, ешбір қазақ шықпады. Кейін бұл сөзді өзіме қабылдап, оны жекпе-жекке шақырдым.