«Номад» Астанада «Снежные Барсы» командасын жеңді

Pro.ligasy.kz хабарлауынша, Астанада «Номад» және «Снежные Барсы» хоккей клубтары арасында маусым алдындағы алғашқы кездесу өтті.

Ойын отыз минуттық екі кезеңге бөлінді — бірінші блокта командалар голдармен алмасты. Дмитрий Макеев «Номад» үшін есеп ашса, Андрей Церюльников тепе-теңдікті қалпына келтірді.

Матчтың екінші бөлігінде Талғат Жайлауовтың командасы нәтижелі ойын көрсетті — Тимур Миндубаев дубль жасаса, Даниил Цыбин мен Али Касенов бір-бір шайбадан қосты. «Снежные Барсы» құрамында Артем Кошевник пен Артем Шарапов көзге түсті.