NiP ойыншысы CS2 рейтинг жүйесін сынға алды

Ninjas in Pyjamas командасының ойыншысы Расмус «sjuush» Бек Counter-Strike 2 командаларының қолданыстағы рейтинг жүйесі — Valve Regional Standings-ті сынға алды, деп хабарлайды BLAST.tv.

Менің ойымша, үміттер туралы айту өте қиын, өйткені VRS жүйесі өте, өте нашар. Бізге сәтті бастау бұйырды — PGL Astana іріктеуі рейтингте көтерілуге және бірнеше шақыру алуға көмектесті, бірақ жалпы бәрі өте қиын болды, — деді Бек.

Жыл басында рейтингі болмаған ұжым үздік 25-ке енді — бұл нәтиже алғашқы мақсат болған үздік отыздыққа кіруден де асып түсті.

Қазіргі уақытта Ninjas in Pyjamas Valve әлемдік рейтингінде 19-шы орында тұр. StarLadder Budapest Major 2025 турниріне қатысу үшін команда қазан айының басына дейін Еуропаның үздік он алты ұжымының қатарына кіруі қажет.