Ninjas in Pyjamas r1nkle-мен келісімшартты 2028 жылға дейін ұзартты

Ninjas in Pyjamas киберспорт клубы CS2 құрамының ойыншысы Артём «r1nkle» Морозбен ұзақ мерзімді келісімге қол қойды — келісімшарт 2028 жылға дейін жарамды болады.

Киберспортшы швед ұйымына 2024 жылдың сәуірінде қосылған — осы уақыт ішінде команда оның қатысуымен YaLLa Compass 2024 турнирінде екінші орын және YaLLa Compass Fall 2024 турнирінде 3-4 орынды иеленді.

Қазіргі уақытта Артём Мороз Ninjas in Pyjamas құрамында Қазақстанда өтіп жатқан PGL Astana 2025 турнирінде өнер көрсетуде, мұнда команда матчтар бойынша 2:2 нәтиже көрсетіп отыр. Жарыстың жүлде қоры 625 мың долларды құрайды, ал чемпионат 18 мамырда аяқталады.