Николас Джексон «Челсиден» жазда кетуі мүмкін

The Athletic хабарлағандай, Николас Джексон «Челсидің» «Байерге» қарсы матчына қатыспады — клуб сенегалдық шабуылшыны осы жазда жіберуге келісті.

24 жастағы шабуылшы «Ньюкаслдың» қызығушылығы аясында командадан бөлек жаттығуда — «сауысқандар» Беньямин Шешконы алу әрекеті сәтсіз болғаннан кейін Джексонға назар аударды.

«Челси» трансфер үшін екі жыл бұрын ойыншыға жұмсалған 32 миллион фунттан кем дегенде екі есе көп сома алуды көздеп отыр. Клубта Джексонның құны «Арсенал» 52 миллион төлеген Нони Мадуекеден жоғары деп санайды.

Лондон клубының құрамында Николас Джексон 80 матч өткізіп, 30 гол соғып, 12 нәтижелі пас берді. Егер трансфер жүзеге аспаса, ойыншы «Челсиде» ойнауын жалғастырады — оның келісімшарты 2033 жылға дейін жарамды.